barlamak

işlik

[ba:rlamak]

1) Bir zadyň dogrulygyny anyklamak üçin derňew geçirmek, derňäp görmek.

∙ Ony siziň işiňizi barlaýan komissiýanyň hem başlygy edip belläpdirler. (B. Pürliýew, Ilkinji gün)

∙ Bu keşdäniň daşyndan garasaň, göýä bir açylyp oturan güle meňzeýärdi, el bilen barlamasaň, onuň matadygy hem mälim däldi. (A. Gowşudow, Mähri-Wepa)

2) Synap görmek, synagdan geçirmek, synamak.

∙ Traktoryň işleýşini barladylar.

3) Gözden geçirmek, sermeläp görmek, agtarmak.

∙ Hojam eli bilen gapdalyny barlady. (B. Kerbabaýew, Aýgytly ädim)

∙ Soň şu eňegi ýaglyk bilen daňylgy adam döwekçileriň goşuny barlamaga başlady. (A. Gowşudow, Mähri-Wapa)

4) Ylmy esasda öwrenmek maksady bilen barlag işini alyp barmak, derňemek.